|
Ihr Kinner, wann so 's Wetter halt,
Do geht's de Berg nuff in de Wald !
De Rucksack her un Brot unn Wei'
Unn Worscht unn Schinke dabber nei' !
Jetz los mit Stock unn feschte Stiwwel,
Im Griene laaft's sich gar nit iwwel.
Ball isch mer drowwe - awwer nee,
Isch doch die Palz so wunnerschee !
Unn Aussicht hot mer - uih, wie fei',
Dort hinner glitzert jo de Rhei'
Unn selle Haiser newe rum,
Guck, des isch Speier unn de Dum !
E bissel werd jetz rumgesorrt,
Dann merkt mer, daß de Mage knorrt.
Mer sucht e scheenes Plätzel aus
Unn holt vum Rucksack ebbes raus.
Mer eßt sei' Schinkebrot in Ruh
Unn gluckert kloore Wei' dezu.
Herjeh, wie do die Zeit vergeht -
Jetz awwer heem, sunscht werd's zu spät !
Unn runner zu, do singt mer halt:
"Leb wohl, du scheener Pälzer Wald !"
|